خدائي خدمتګار منصور لا – نويد خټک

د ازادۍ پۀ تحريک کښې چې د لکهونو پۀ شمېر کومو کسانو بې مثاله قربانۍ ورکړې دي، نن صورت حال دا دے چې د دغه خدائي خدمتګارانو اکثريت لۀ دې جهانه سترګې پټې کړې دي. اوس هاغه خلق هم کم شوي دي چې د دې قامي اتلانو نه ئې د دوي قصې اورېدلې وې. بايد چې مونږ پښتانۀ د خپلې سيمې د دغه قامي اتلانو پۀ حقله معلومات را غونډ کړو او د تاريخ پاڼو ته ئې وسپارو.

نن زۀ ستاسو پۀ خدمت کښې د خپل کلي )شيدو( خدائي خدمتګار منصور لا د ژوند او سياسي هلو ځلو پۀ حقله څۀ معلومات وړاندې کوم.

خدائي خدمتګار منصور خان چې خپل کلي شېدو کښې پۀ “منصور لا” مشهور ؤ، د خپل وخت يو دروند خدائي خدمتګار ؤ. منصور لا خدائي خدمتګار تنظيم کښې د خپل کلي کپتان منتخب شوے ؤ. پۀ حېث د کپتان منصور لا د تحريک يو متحرک غړے ؤ او د خدائي خدمتګارانو د مرکز نه راغلي پروګرامونه به ئې مخ پۀ وړاندې بوتلل. د “پښتون” رسالې خلقو ته رسول، پکټنګونه کول، پۀ احتجاجي مظاهرو کښې برخه اخستل او د انګرېزي استعمار پۀ ضد د وطن ازادۍ د پاره د کاروان برخه ؤ.

د منصور لا د زېږون کال معلوم نۀ دے. منصور لا پۀ 2005ز کښې پۀ حق رسېدلے دے. د منصور لا کشر زوي سميع الرحمان را ته وې چې دغه وخت زما د پلار عمر زما پۀ حساب تقريباً يو سل ديارلس کاله ؤ او کۀ پۀ دغه حساب مونږ وګورو نو 1892 ئې د زېږون کال جوړېږي.

د منصور لا د پلار نوم عبدالکريم خان ؤ. هغوي ابتدائي زدکړه کړې وه. سميع الرحمان وائي چې پلار راته وې ما پۀ ادنٰي جماعت کښې سبق وې. يو هندو هلک چې هر وخت به ئې زما پۀ سر استاد ته شکايت کولو؛ چې ښۀ بد بد مې ووهلو او د مدرسې نه را وتښتېدم او بيا مې د مدرسې مخ و نۀ ليدو. سميع الرحمان زياته کړه چې زما پلار تعليم نۀ ؤ کړے خو خپل نوم ئې ليکلے شو.

منصور لا پۀ بدني توګه يو ډېر طاقتور انسان ؤ او د تتي يو ډېر تکړه لوبغاړے پاتې شوے دے. هغوي دوه ودونه کړي وو. وړومبي ټبر نه ئې دوه لوڼه وې چې وروستو بيا وفات شوې. د دوېمې ښځې نه ئې درې زامن دي. د کشر زوي نوم ئې سميع الرحمان دے چې پۀ 2005ز کښې د خپل کلي کونسلر منتخب شوے ؤ او دولس سوه ووټونه ئې اخستي وو.

اورېدلي مې دي چې باچا خان منصور لا پۀ نوم پېژندو او د اجمل خټک بابا نه علاوه د هغۀ وخت يو بل دورند مشر شاعر او اديب ښاغلے نواز خټک صاحب سره ئې هم ډېر نزدې تعلق ؤ. د منصور لا پۀ حقله دا خبره مشهوره ده چې هغوي به خبره پۀ زړۀ کښې پټه نۀ ساتله؛ يعني سپينه خبره به ئې پۀ جار کوله. سميع الرحمان وائي چې پۀ اخري عمر کښې د پارټۍ يو مشر او صوبائي وزير جان محمد خان نه پۀ څۀ خبره خفه شوے ؤ. څۀ موده پس جان محمد خان د انتخابي مهم پۀ سلسله کښې زمونږ حجرې ته راغلو نو پلار مې هغه کمرې ته دننه کړو او دومره پۀ اوچت اواز ئې هغۀ سره خبرې کولې چې بهر ناستو خلقو هم د هغوي خبرې اورېدې.

الله دې منصور لا سره د خاورو وبخښي.

نويد خټک

خدائي خدمتګار منصور لا

د ازادۍ پۀ تحريک کښې چې د لکهونو پۀ شمېر کومو کسانو بې مثاله قربانۍ ورکړې دي، نن صورت حال دا دے چې د دغه خدائي خدمتګارانو اکثريت لۀ دې جهانه سترګې پټې کړې دي. اوس هاغه خلق هم کم شوي دي چې د دې قامي اتلانو نه ئې د دوي قصې اورېدلې وې. بايد چې مونږ پښتانۀ د خپلې سيمې د دغه قامي اتلانو پۀ حقله معلومات را غونډ کړو او د تاريخ پاڼو ته ئې وسپارو.

نن زۀ ستاسو پۀ خدمت کښې د خپل کلي )شيدو( خدائي خدمتګار منصور لا د ژوند او سياسي هلو ځلو پۀ حقله څۀ معلومات وړاندې کوم.

خدائي خدمتګار منصور خان چې خپل کلي شېدو کښې پۀ “منصور لا” مشهور ؤ، د خپل وخت يو دروند خدائي خدمتګار ؤ. منصور لا خدائي خدمتګار تنظيم کښې د خپل کلي کپتان منتخب شوے ؤ. پۀ حېث د کپتان منصور لا د تحريک يو متحرک غړے ؤ او د خدائي خدمتګارانو د مرکز نه راغلي پروګرامونه به ئې مخ پۀ وړاندې بوتلل. د “پښتون” رسالې خلقو ته رسول، پکټنګونه کول، پۀ احتجاجي مظاهرو کښې برخه اخستل او د انګرېزي استعمار پۀ ضد د وطن ازادۍ د پاره د کاروان برخه ؤ.

د منصور لا د زېږون کال معلوم نۀ دے. منصور لا پۀ 2005ز کښې پۀ حق رسېدلے دے. د منصور لا کشر زوي سميع الرحمان را ته وې چې دغه وخت زما د پلار عمر زما پۀ حساب تقريباً يو سل ديارلس کاله ؤ او کۀ پۀ دغه حساب مونږ وګورو نو 1892 ئې د زېږون کال جوړېږي.

د منصور لا د پلار نوم عبدالکريم خان ؤ. هغوي ابتدائي زدکړه کړې وه. سميع الرحمان وائي چې پلار راته وې ما پۀ ادنٰي جماعت کښې سبق وې. يو هندو هلک چې هر وخت به ئې زما پۀ سر استاد ته شکايت کولو؛ چې ښۀ بد بد مې ووهلو او د مدرسې نه را وتښتېدم او بيا مې د مدرسې مخ و نۀ ليدو. سميع الرحمان زياته کړه چې زما پلار تعليم نۀ ؤ کړے خو خپل نوم ئې ليکلے شو.

منصور لا پۀ بدني توګه يو ډېر طاقتور انسان ؤ او د تتي يو ډېر تکړه لوبغاړے پاتې شوے دے. هغوي دوه ودونه کړي وو. وړومبي ټبر نه ئې دوه لوڼه وې چې وروستو بيا وفات شوې. د دوېمې ښځې نه ئې درې زامن دي. د کشر زوي نوم ئې سميع الرحمان دے چې پۀ 2005ز کښې د خپل کلي کونسلر منتخب شوے ؤ او دولس سوه ووټونه ئې اخستي وو.

اورېدلي مې دي چې باچا خان منصور لا پۀ نوم پېژندو او د اجمل خټک بابا نه علاوه د هغۀ وخت يو بل دورند مشر شاعر او اديب ښاغلے نواز خټک صاحب سره ئې هم ډېر نزدې تعلق ؤ. د منصور لا پۀ حقله دا خبره مشهوره ده چې هغوي به خبره پۀ زړۀ کښې پټه نۀ ساتله؛ يعني سپينه خبره به ئې پۀ جار کوله. سميع الرحمان وائي چې پۀ اخري عمر کښې د پارټۍ يو مشر او صوبائي وزير جان محمد خان نه پۀ څۀ خبره خفه شوے ؤ. څۀ موده پس جان محمد خان د انتخابي مهم پۀ سلسله کښې زمونږ حجرې ته راغلو نو پلار مې هغه کمرې ته دننه کړو او دومره پۀ اوچت اواز ئې هغۀ سره خبرې کولې چې بهر ناستو خلقو هم د هغوي خبرې اورېدې.

الله دې منصور لا سره د خاورو وبخښي.

 

دا هم ولولئ

“د تورغر چاربېته” – قمر صحرائي

چاربېته د پښتو د اولسي ادب د ټپې پۀ شان زوردار او مقبول صنف دے …