مياشت پۀ ورځپاڼو کښې – رحمت شاه قریشی

مياشت پۀ ورځپاڼو کښې – رحمت شاه قریشی

وړومبے اکتوبر:

د فاټا د سیاسي مشرانو اعلان: کۀ صوبائي اسمبلۍ کښې نمائندګي، سپریم کورټ او )پېښور( هائیکورټ ته رسائي او اېن اېف سي اېوارډ کښې برخه رانۀ کړې شوه نو پۀ نهم اکتوبر به اسلام اباد نیسو ـــ

د پوځي ځواکونو عمليات، د تباهۍ منصوبې ناکامه، پینځۀ ترهګر مړۀ، اوویشت ګرفتار ـــ نوې امریکائي پالیسي پاکستان زورلو د پاره نۀ ده، نېټو ـــ د خېبر پښتونخوا د صوبائي حکومت لۀ خواپۀ پېسکو د يو نيم ارب روپو د قرضې دعويٰ، نېپرا د يو کلو واټ بجلۍ قيمت 4.018 روپۍ مقرر کړے ؤ، پېسکو ئې پۀ یوه روپۍ اخلي ـــ پۀ ننګرهار کښې هوائي برید، دوویشت داعشیان سره د اووۀ پاکستانیانو ووژلے شول ـــ پېښور کښې د ډینګي لۀ وجې دوه زنانه پۀ حق رسېدلې دي، د مړو تنانو شمېره څلوېښت ته رسېدلې ده، څلیریشت ګېنټو کښې 249 تنو کښې د ډينګي وائرس تصديق، دوه اتیا هسپتالونو کښې داخل ـــ د اپوزيشن ليډر بدلون، تحريک انصاف يو بل چېلج سره مخامخ. د درې شپېتۀ تنانو حمايت پکار دے، خپل او د اېم کيو اېم کارکنان به هم رضا کول غواړي ـــ ډېډ لائن ختم، عمران خان، اسحاق ډار، خورشيد شاه او د درې وزيرانو سره 653 د سېنټ غړو خپلې ګوشوارې  او د خپلو اثاثو تفصيل الېکشن کمېشن کښې نۀ دي جمع کړې، اخرۍ نېټه  دېرشم ستمبر وه ـــ د سياسي جماتونو لۀ خواپۀ اېن اے 4 کښې د انتخابي مهم د تېزولو فېصله ـــ پۀ بډهـ بېره او خزانه کښې د پوليسو او پوځي ځواکونو عمليات، اووۀ شپېتۀ تنان د شک پۀ بنياد ګرفتار کړے شوي دي، څلور سوه نه د زياتو کورونو او پلازو تلاشي هم اخستې شوې ده.

دوېم کتوبر:

پۀ لاس وېګاس کښې د موسيقۍ پۀ بنډار ډزې، اتۀ پنځوس مړۀ، 515 ژوبل، داعش د حملې ذمه داري قبوله کړې ده، دا حمله د امريکې تر ټولو بده پېښه ګڼلې شوې ده ـــ د نا اهلۍ موده پینځۀ کاله مقرر، نا اهل شوے تن به د ګوند د مشر جوړېدو جوګه وي، نوے قانون منظور، مرکزي اسمبلۍ پۀ متفه توګه پۀ انتخابي اصلاحاتو کښې د بل منظوري ورکړه ـــ چارسده: سکه پلار خپل د شپږو مياشو زوے د ژړلو پۀ سزا قتل کړو، د شپږ کلن ماشوم مور پوليس سټېشن کښې ايف ائي ار جمع کړے، ملزم ګرفتار.

درېم اکتوبر:

د ججانو او جرنېلانو احتساب د پاره دائر درخواست باندې د سپریم کورټ اعتراض ـــ د اٰرمي چیف جنرل باجوه اولسمشر اشرف غني سره کابل کښې ملاقات ـــ ملم جبه خوړ پټي کښې د امن کمېټۍ د غړي پلار پۀ چاودنه کښې ووژلے شو ـــ د اے اېن پي 2018ز انتخاباتو د پاره د څۀ سیټونو اعلان: ملي مشر اېن اے 7 چارسده، حاجي غلام احمد بلور اېن اے 1 پېښور، امیر حېدر خان هوتي اېن اے 9 مردان، محمد سلیم خان اېن اے 30 سوات، نثار خان مومند اېن اے 36 مومند، ګل افضل خان اېن اے 44 باجوړ، میا افتخار حسېن پي کے 12 نوښار، شاهد خټک پي کے 13 نوښار، خلیل عباس خټک پي کے 15 نوښار، حېدر خان هوتي پي کے 23 مردان، علي خان پي کے 24 مردان، افتخار علي عباسي پي کے 49 هري پور، شوکت مشواڼي پي کے 52 هري پور، محمد ریاض پي کے 59 بټګرام، محمد ارشد خان پي کے 60 بټګرام، محمد افتاب حېدر پي کے 68 ډېرو، وقار احمد خان پي کے 82 سوات، رحمت علي خان پي کے 83 سوات، محمد ایوب خان اشاړے پي کے 84 سوات ـــ  نواز شريف بیا د پاکستان مسلم ليګ نون مشر ټاکلو د پاره بل منظور ـــ د ډینګي وائرس لۀ امله د پېښور يو بل تن هم مړ شو، شمېر 42 شو ـــ د اېن اے 4 اميدوارانو ته به نن انتخابي نخښې ورکولې کېږي، پۀ 26 نومبر به د عوامي نېشنل ګوند، پي ټي اٰئي، جماعت اسلامي او نون ليګ د اميدوارانو ترمنځه مقابله وي ـــ ټماټر کلو پۀ 200 روپۍ، اولس د سختو ستونزو او  حېرانتيا سره مخ ـــ کابل کښې پوځي چوڼۍ برید، شل تنان ورک ـــ احتساب عدالت ته د داخله چارو وزیر احسن اقبال ننوتلو نه رېنجرز منع کړو ـــ

څلورم اکتوبر:

پۀ خېبر اېجنسۍ کښې د سکولونو بندوالے، سلګونه ماشومانې د تعليم نه محرومه، پائندي للمه پرائمري سکول چې 300 نه زياتو ماشومانو پکښې سبق وئېلو، اوس بند کړے شوے دے ـــ افغانستان کښې د هند کردار قبول نۀ دے، پوځ ـــ عمران جمائمه نه اخستے پور نۀ دے ښکاره کړے، سپریم کورټ ـــ قومي اسمبلۍ کښې ائیني ترمیمي بل وړاندې کړے شو چې اقلیتي نشستونه زیات کړے شي.

پنځم اکتوبر:

د عوامي نېشنل پارټۍ ستر سېکتر ميا افتخار حسېن ته د سينې درد، د ډاکټرانو لۀ خوا د ارام کولو ښونه ـــ د تعليم نوې پالېسو د ځوانانو پۀ اميدونو اوبۀ واړولې، د بونېر پرېس کلب مخې ته ډګري هولډز احتجاج، پۀ سلګونو ځوانان سره د ډګريو بې روزګاره ګرځي، زدکړیال ـــ د ډینګي لۀ وجې يو بل مشر تن مړ، مړي درې څلوېښت شول

شپږم اکتوبر:

فاټا ادغام، قبائیلي غړو د پارلېمان مخې ته پرلت ووهلو، د اے اېن پي عملي شرکت، د اسلام اباد پولس د اے اېن پي پۀ کارکنانو تشدد، احتجاج ـــ جهل مګسي درګاه کښې ځانمرګي بريد، شل مړۀ، 35 ژوبل ـــ د نامزدګۍ کاغذونو کښې پۀ ختمِ نبوت د ایمان حلف نامه بحال ـــ ډینګي مخنیوي د پاره د شپږو میاشتو د هنګامي منصوبې اعلان ـــ اېن اے 4 الېکشن: د تحریک انصاف او جمعیت )س( اتحاد.

اووم اکتوبر:

د ډینګي لۀ وجې پۀ مړو تنانو کښې بله اضافه، د مړو شمېره 45 شو ـــ

د حملې او تشدد کېس، عمران خان او طاهرالقادري بيا عدالت ته پېش نۀ شول، د عدالتي دباو باوجود پوليس د دواړو د جائېدادونو رېکارډ پېش نۀ کړو.

اتم اکتوبر:

پۀ سي پېک منصوبې باندې د امريکې اعتراضات مسترد کړې شو، امريکې پۀ سي پېک دا اعتراض کړې وو چې دا د يو متنازعه علاقه کښې تېرېږي ـــ د خونړي ډینګي له وجې مرګونو کښې اضافه، پۀ خېبر ټيچنګ هسپتال کښې نور 3 مريضان د مرګ پۀ خوب اودۀ شو، د مرګونو شمېره 48 ته ورسېده. ـــ مشال قتل کېس، د 2 مجسټرېټانو بيانات قلمبند، د 24 ملزمانو د ضمانت فېصله محفوظ، د کېس بله اورونه بۀ پۀ 11 اکتوبر کېږي.

نهم  اکتوبر:

جاوېد اقبال د نېب مشر وټاکلے شو ـــ د ډینګي لۀ عمله نور دوه تنان پۀ حق ورسېدل، د مړو تنانو شمېره 50 شوه ـــ امریکه افغانستان کښې د داعش مرسته کوي، حامد کرزئ ـــ

لسم اکتوبر

شمالي وزيرستان کښې پۀ فائرنګ درې پوځيان مړه او 7 ژوبل شوي دي، پۀ ځوابي کاروايۍ کښې 3 ترهګر مړۀ

پۀ خېبر پښتونخوا کښې نور 446 تنان د ډینګي د وائرس نه متاثره شوي دي، 96 تنان پۀ هسپتالونو کښې داخل ـــ پۀ قطر او امريکه کښې د طالبانو دفترونه بند کړئ، د افغانستان غوښتنه ـــ د اے اېن پي (ولي) پارټۍ نوم د رجسټرډ پارټو د فهرست نه وويستلے شو.

یوولسم اکتوبر:

عمران خان سره څۀ ثبوت دے چې د هغۀ کاغذونه اصلي دي، سپريم کورټ. د جهانګير ترين نه زمکې د ليز ريکارډ غوښتے شوے دے ـــ پېښور کښې د ډینګي وائرس نه نور دوه تنان مړۀ، د مړو کسانو شمېره 52 او پۀ 368 تنانو کښې د ډینګي وائرس تصديق شوے دے.

د فاټا انضمام کښې مولانا فضل الرحمان استمالېږي، بشير بلور. کۀ فاټا بيا د ترهګرۍ ښکار شوه نو ذمه داري به پۀ ټولو باندې راځي، آرمي چيف دې خپل کردار ولوبوي.

دولسم اکتوبر:

سيکيورټي مو مضبوطه کړه او معيشيت مضبوطول پکار دي، آرمي چيف ـــ خېبرپښتونخوا، 410 تنانو کښې د ډینګي وائرس تصديق. 139 تنان پۀ هسپتالونو کښې داخل دي ـــ د تعليم محکمه کښې د ګرېډ 20 پشمول پۀ 239837 سيټونو کښې 58730 خالي پراتۀ دي. د ټولو نه زيات سيټونه د 12 او 14 ګرېډ خالي دي ـــ پۀ پېښور کښې بيا مږې راوتلې دي، انساني ځانونه د خطرې سره مخ دي. د مږو نه د خلاصي دپاره دې سپرے وکړې شي، د علاقې اوسېدونکي ـــ نوښار: د ډینګي د مرض د  2 ښځو پشمول 8 تنانو کښې د وائرس تصديق.

دیارلسم اکتوبر:

الېکشن کمېشن عمران خان پۀ 26 نېټه د ګرفتارولو او پېش کولو حکم ورکړے دے. د عدالت د توهين د شوکاز پۀ نوټس مختصر فېصله ـــ صوابۍ: صحافي هارون خان د خپل کور مخې ته د نامعلومه وسله والو پۀ زړو ووژل شو. مجرم به ډېر زر ګرفتار کړې شي، اشفاق الله خان ـــ پۀ اويا کالو کښې نه ادارې مضبوطې شوې او نه د آئين مطابق حکمراني وشوه، پۀ پاکستان کښې جمهوريت د فلم د انټرول غوندې راځي، رضا رباني

څوارلسم اکتوبر:

د ترهګرۍ پۀ لړ کښې د پاکستان قربانۍ د قدر وړ دي، د برطانيې آرمي چيف د پاکستان آرمي چيف سره د ليدلو کتلو پۀ وخت خبرې.

د عمران خان جنګ د اقتدار د خپلولو دپاره دے، امير مقام. عمران خان دې پۀ بدل د تنقيد کولو نه مخکښې پۀ خپل ګرېوان کښې وګوري ـــ چې پۀ اقتدار کښې راشو نو د پښتنو قسمت به بدلوو، امير حېدر خان هوتي. زمونږ مقصد اقتدار نا د غريبو خلکو ستونزې هوارول دي.

پنځلسم اکتوبر:

مولانا فضل الرحمان د فاټا انضمام خلاف پېښور کښې تقریر ـــ جمهوريت د پوځ نه نا بلکې د جهموري تقاضو د نۀ پوره کېدو نه وېره ده، پوځي ترجمان ـــ پېښور کښې د ډینګي حملې روانې دي، يوه زنانه مره، د ډینګي پۀ وجه د مړو تنانو شمېره 55 شوه او پۀ 445 تنانو کښي د ډینګي وائرس تصديق شوے دے.

شپاړسم اکتوبر:

کرم اېجنسۍ کښې پۀ دهماکه کښې د پوځ د کېپټن سره 4 نور پوځيان مړۀ، 5 ژوبل شوي دي ـــ تورخم بند ـــ مسلم ليګ نون دې خپل ورکران قابو کړي، جمهوريت به د ډي رېل کولو اړخ ته نه پرېږدو،. مولانا صاحب کۀ د فاټا انضمام د امريکې اېجنډه وي نو بيا پۀ حکومت کښې ولې ناست ئې؟ ملي مشر ـــ

اوولسم اکتوبر:

د کرم اېجنسۍ سره نزدې د افغانستان اړخ ته ډرون حمله، 20 تنان مړۀ، ګڼ شمېر ژوبل ـــ د تعليم پۀ محکمه کښې د 17 او 18 ګرېډ858 سېټونه تر اوسه خالي پراتۀ دي، هېڅ څوک پرې نه دي بهرتي کړې شوې ـــ سیاسي صورتحال خراب دے او د ځان ځانۍ خبرې جمهوریت د پاره مرګ دے: میا افتخار ـــ قائمه کمېټۍ فاټا ته پېښور هائي کورټ او سپریم کورټ ته د رسد ترمیمي بل منظور کړو.

اتلسم اکتوبر:

پاکستان له اطلاع ورکولو نه پس پۀ افغانستان کښې امريکني عمليات، د فضائي حدودو خلاف ورزي نۀ ده شوې، اٰئي اېس پي اٰر ـــ پۀ افغانستان کښې ډرون حملې، 11 نور ووژلے شول، عمر خراساني ټپي، د طالبانو ځوابي کاروايۍ کښې 46 پوځي ځوانانو سره 72 ترهګر مړۀ، 250 ژوبل ـــ ټانک کښې د اوبو قات، د اوبو ټېنکر قېمت 3500 روپۍ ته ورسې ـــ پۀ صوابۍ کښې د صحت سهوليات کم، ډینګي او چکن ګونيا مرضونه پۀ خورېدو شول ـــ د ترهګرۍ مرستیال به بیا حکومت کښې نۀ راځي: میا افتخار.

نورلسم اکتوبر:

د مېټرک نتيجې پۀ 2017 کښې خرابې راغلې دي، د 183 هائي او سېکنډري سکولونو د مشرانو تنخوا ګانو کښې د 2 کالو د پاره زياتوالے بند ـــ کوئټه: د پولس پۀ ټرک ځانمرګے برید، 9 تنان شهيدان، 30 ژوبل ـــ داٰرمي پبلک سکول د واقعې ماسټر مائنډ عمر منصور هلاک شوے دے، عمر منصور باچاخان پوهنتون پۀ واقعه کښې هم شامل ؤ، د طالبانو تصديق ـــ پېښور توتهيه کښې د 22 کالو ځوان د ډینګي لۀ وجې مړ شود مړو  شمېره 56 ته ورسېده ـــ د عمران خان او جهانګیرترین فېصله به یو ځاے کوو: چیف جسټس.

شلم اکتوبر:

نوښار کښې میا راشد حسېن شهید روغتون ته د ګرېډ بي درجه ورکړې شوه ـــ پۀ نواز شريف، مريم نواز او کېپټن صفدر باندې فرد جرم ولګولے شو ــ پۀ خېبرپښتونخوا کښې د سرکاري اېمبولېنسو د سېل سپاټې د پاره د استعمال انکشاف ـــ پۀ پېښور او مردان کښې د ترهګرۍ منصوبې ناکامې شوې، 4 ترهګر ګرفتار، 7 کلو وزني بم او دهماکه خېز مواد برامد.

یویشتم اکتوبر:

د پاک افغان سرحدي علاقه باندې امريکنۍ ډرون حمله، 12 تنان مړۀ، ګڼ شمېر ژوبل ـــ خېبرپښتونخوا: د وړومبي د ترقياتي فنډونو رپورټ پۀ اسمبلۍ کښې پېش کړے شو. د 38 ارب روپو اے ډې پي فنډ لېپس شوے دے ـــ د ډینګي د وجې کېدونکې مرګونو د پټولو کوشش، رسپارنس يونټ د شمېرې ښودلو پۀ ځاے د کارکردګۍ رپورټ وړاندې کوي ـــ اېن اے 4: د عوامي تحريک او منهاج القران پارټیو لۀ خواد پاکستان تحريک انصاف د حمايت اعلان.

دوویشتم اکتوبر:

پاکستان کښې د چائنه سفیر د قتل منصوبه بې نقابه ـــ امریکې د پاک افغان نمائنده خصوصي دفتر ختم کړو ـــ کابل کښې د ملټري اکېډمۍ بس باندې ځانمرګے برید: 15 شهیدان ـــ متهرا کښې یو بدک ووژل شو ـــ

درې ویشتم اکتوبر:

پانامه کښې چې د چا نامه هم راغلې ده، احتساب دې ئې وشي، د فاټا د انضمام د وعدې پۀ نۀ پوره کولو به نواز شريف ته پۀ جده کښې هم ځاے نه مېلاوېږي، اسفنديار ولي خان. دنون ن ليګ پي ټي آئي جنګ د اسلام اباد د تحت د پاره دے، اېن اے 4 کښې خطاب ـــ روحاني شخصيت پير سيد سجاد بادشاه پۀ عوامي نېشنل پارټۍ کښې د شامل شو ـــ

څلیریشتم اکتوبر:

قائمه کمېټي، د وادۀ دپاره عمر د شپاړس کالو نه اتلس کاله د مقررېدو بل منظور شو ـــ صوبائي اسمبلي: صوبه د بد ترين مالي بحران ښکار ده، اپوزيشن. د قرضې اخستو نه پس به د صوبې حالات ټهيک شي، د خېبر پښتونخوا صوبائي حکومت ـــ د ډینګي د 2 تنان پۀ حق ورسېدل، د مړو تنانو شمېره 61 ته ورسېده، پېښور انور ګړهۍ کښې هم د ډینګي شپږ کېسونه مخې ته راغلي دي.

د 575 کروړ کرپشن الزامونه: شرجیل مېمن ګرفتار ـــ صوبائي حکومت د ډینګي متاثرینو تعداد پټوي: هارون بلور.

پنځویشتم اکتوبر:

د مشال خان مقدمه کښې وکیل دستبردار، ما ته ملزمانو خپلوان دړکې راکوي ـــ پارلېمان هم د عدلیې او پوځ غوندې تقدس لري: وزیر داخله ـــ عائشه ګلالۍ پۀ حقله د عمران الزام الېکشن کمېشن مسترد کړو ـــ امریکائي وزیر خارجه ټلرسن ډیلي ته ورسېد

د امريکې د وزيرخارجه لۀ خوايو ځل بيا د پاکستان نه د ډو مور مطالبه ـــ ماشومانو سره پۀ زياتي کولو او پۀ 14 بربنډو تصويرانو ساتلو باندې به 14 کاله قېد وي، قائمه کمېټۍ بل منظور کړو ـــ

شپږ ویشتم اکتوبر:

اېن اے څلورمه حلقه کښې ضمني انتخابات، پولنګ ـــ د نېب دوه مخي نۀ شو زغملې، سپریم کورټ ـــ د ټلرسن دورې نه پس د وزیر خارجه خواجه اٰصف پارلېمنټ کښې پالیسي بیان ـــ کابل کښې پۀ چېک پوسټ د طالبانو برید، 9 شهیدان ـــ پاکستان دې سي پېک د پاره منځنۍ اېشیاء ته د لارې بدل کښې هند ته لاره راکړي: افغانستان ـــ صوبائي حکومت د وکیلانو پېسې نۀ ورکوي: د مشال خان پلار ـــ جهانګیر ترین ځواب کښې بې ایماني ده: سپریم کورټ ـــ شهباز جمیل د خېبر بېنک اېم ډي وټاکلے شو.

اوویشتم اکتوبر:

د نواز شریف قابلِ ضمانت وارنټ ګرفتاري جاري ـــ عمرې نه پس سعودي عرب کښې د نواز شریف د شاهي کورنۍ غړو سره لیدنه ـــ عمران یو ځل بیا الېکشن کمېشن نه بیاناً او تحریراً معافي وغوښته ـــ د اېن اے 4 ضمني انتخابات، د تحریک انصاف د ارباب عامر بریا، پۀ انتخابات د جانبدارۍ او دهاندلۍ تورونه ـــ جي اېچ کیو اسلام باد ته د وړلو منصوبه بحال ـــ افغان صوبه فرح کښې پۀ چېک پوسټونو حملې، 31 شهیدان.

دا هم ولولئ

د تحريک انصاف حکومت کښې د قامي اسمبلۍ سره روان سلوک – رحمت شاه قرېشي

د دنيا پۀ مخ ډېر خلق او ډېر حکومتونه اباد شوي او تېر شوي دي …