سامراج او زمونږ سيمه – شفيع افغان (دعوامي نېشنل ګوند پښين اولسوالۍ وياند)

د شلمي صدۍ پۀ دوېمه لسيزه کښې د ټولې نړۍ وضعيت د بېن المللي سامراج برطانوي لخوا ډېر د سخت مشکل سره مخامخ ؤ. پۀ خاصه توګه جنوبي اسيا برصغير باندې قبضه د يو څو مقاصدو لپاره وه. د برطانوي سامراج پۀ خپل ملک کښې خام مال نۀ ؤ. د خام مال لپاره د برصغير ځمکه ډېره غوره او زرخېزه وه، دوېم غرض ئې کميونزم د افغان وطن لخوا څخه کنټرول کېدل وو. درېم غرض ئې د عرب هېوادونه تقسيم کېدل وو او د دې سره سره د عرب ريجن وسائيلو باندې مکمله قبضه کول وو، څلورم غرض ئې سلطنت عثمانيه تقسيمول او د طاقت ئې مکمله خاتمه کول وو. سلطنت عثمانيه پۀ اصل کښې د اسلامي نړۍ يو طاقتور هېواد ؤ، پنځم غرض ئې د عرب ريجن درياب بحيره قلزم خپل پۀ کنټرول ساتل وو، شپږم غرض ئې د کميونزم د نزدې څخه پۀ مکمله توګه مطالعه کول وو، اووم غرض ئې د برصغير و درياب ته نزدې ښارونو کښې کارخانې لګول وو، اتم غرض ئې پۀ برصغير عرب ريجن پۀ اولسونو کښې ئې وفاداره، تابعدار او تنخواداره وګړي پېداکول وو او پوخ تربيت روزنه ورکول وو، نهم افغان دولت لۀ منځه وړل وو او د کميونزم خلاف مستقله مورچه جوړول وو، د دې سره سره پۀ افغان ريجن کښې مستقله وفادار پانډيان جوړول وو، لسم پۀ مسقبل کښې د منځنۍ اسيا وسائيل خپل د وفادارانو پۀ مرسته پۀ خصوصي توګه تېل خپل د کمپنيانو پۀ ذريعه قبضه کول وو، يولسم عالم اسلام لپاره ډېري ستونزي جوړول، اسرائيل رياست پياوړے او د غزه فلسطين بيت المقدس ځمکه باندې قبضه کول وو، دولسم د لوې منصوبه بندۍ پۀ ذريعه د کميونزم مکمل نظام لۀ منځه وړل وو، ديارلسم پۀ افغان وطن کښې د کوکنارو د فصلاتو پۀ ذريعه خپل معيشت ته دوام ورکول وو ځکه نن ورځ سامراج د دې فصلاتو پۀ ذريعه پۀ ټوله نړۍ کښې پاچائي کوي او د دې سره سره پۀ نړۍ کښې د محکوم اقوامو وسائيل ډېر پۀ ظلم جبر بربريت ئې خوري، څوارلسم د محکوم اقوام د خام مال پۀ ذريعه خپلي کارخانې طاقتوري ساتل او پۀ محکوم اقوام باندې درنې درنې وسلې خرڅول او د دوی پۀ مابېن کښې جنګونه روان ساتل وو، دا مظلوم اقوام نور هم محکوم کول وو، د دې سره سره د ژوند ټول بنيادي د ضرورت سامانونو پۀ ذريعه د نړۍ مارکيټ قبضه کول وو، پنځلسم پۀ خاصه توګه افغان وطن يا عرب ريجن کښې وطن دوست ليډرشپ يا عام فکري نظرياتي علمي خپل د وطن سره محبت کونکي وګړي لۀ منځه پۀ مکمله توګه وړل وو، شپاړسم افغان او عرب وطن پۀ ټولنه کښې کلتور خپلواکي اساسي قانون لۀ منځه وړل او يو فرضي قانون جوړول وو. د دې سره سره د دې دواړو پۀ ټولنه کښې نوي نسل کښې نشئي توکي، اواره ګردي، عياشي، بې ځايه منظرې، وسلې کلتور، لاقانونيت، شخصي ملېشې، ټوپک مارانو او اغواکارۍ، ترهګرۍ ،وحشت، مذهبي جنونيت ته دوام ورکول وو.

اوولسم بېن المللي سامراج پۀ خاصه توګه افغان او عرب ريجن د صف اول مشران هغه قومي سوچ لرونکي وګړي لۀ منځه وړل پۀ خاصه توګه د افغان ريجن مشران سردار دوست محمد خان، سردار وزير اکبر خان، سردار شېرعلي خان، سردار محمد يعقوب خان، امير عبدالرحمان خان ،امير حبيب الله خان، غازي امير امان الله خان، سردار داود خان، خلقي مشر نور محمد تره کي، حفيظ الله امين، ببرک کارمل،ډاکټر صېب نجيب الله خان او پۀ 15 اګست 2021 اشرف صېب. د دې سره سره عرب ريجن انقلابي څۀ مشران ئې هم د رنګ رنګ دسيسو پۀ ذريعه لۀ منځه يوړل، نولسم سامراج پۀ افغان ريجن کښې ئې هغه غداران د تباهۍ سوچ فکر ته ئې دوام ورکړي لکه نادر شاه، افشار شاه، شجاع نادرشاه، ظاهر شاه، هاشم مېوندوال پۀ سړه جګړه کښې مجاهدين بيا د طالب پۀ نامه او نن ورځ بيا زمونږ وطن باندې تورې تيارې ټول بېن المللي ترهګر وحشيان ئې زمونږ وطن ته راوستل چې واک اختيار ئې د دښمن پۀ لاس کښې دے او د دې سره سره عرب مشران ټول پۀ شرابو کبابو عياشۍ باندې اخته دي. واک اختيار قيمتي وسايل ئې نن ورځ هم د بېن المللي سامراج پۀ لاس کښې دي. ټول د عرب ريجن د وسائيلو چارج د سامراج پۀ لاس کښې دے، شلم غرض ئې يورپي يونين هېوادونه پۀ جنوبي اسيا، منځنۍ اسيا، عرب ريجن کښې پۀ هېڅ صورت نۀ برداشت کوي ځکه سامراج د دې ټولو ريجن قبضه له خپله ځان سره ساتي.

برطانوي سامراج پۀ 1600 کښې د سمندر لخوا د جنوبي اسيا برصغير ته د ايسټ انډيا کمپنۍ پۀ ذريعه د کاروبار لپاره راغلل. پۀ ظاهري توګه د دې کمپنۍ مقاصد دا وو چې د برصغير اولسونو لپاره روزګار، تعليم، صحت، کارخانې، امن او پرمختګ ئې بنيادي ايجنډې وې. د1600 څخه بيا تر 1608 پورې ئې ټول سامانونه رامکمل کړل. پۀ اصل کښې ئې مقاصد د برصغير اولسونه غلام کول وو. د برصغير وسائل خام مال حاصلول وو. د سمندر پۀ غاړه ئې کللکته ،مدراس، بنګال، کراچۍ پۀ ښارنو کښې ئې کارخانې جوړول وو. برطانوي سامراج ټول ټيم د برصغير مکملي دورې وکړې. د وطن د اولسونو حالات، ژوند، کلتور، مذاهب ژبې، وسائل ئې پۀ مکمله توګه مطالعه کړل. برصغير ئې پۀ بې شمېره رياستونو کښې تقسيم کړو. د برصغير داصلي سياسي ليډرشپ او سياسي ګوند پۀ مقابله کښې ئې جعلي سياسي ګوندونه، جعلي سياسي ليډر شپ ئې جوړکړل. د دې سره سره برطانوي سامراج ټول برصغير کور پۀ کور دوره کړې. مکمل معلومات ئې حاصل کړل. پۀ دې دورو کښې سامراج پۀ خاصه توګه خانداني، مالي، علم، کلتور، مذهب، جغرافعې او قوميت پۀ حواله مکمل معلومات حاصل کړل. 1600څخه بيا 1757 پوري برطانوي سامراج د برصغير ټول ضروري کاروائي مکمله کړه. پۀ 1757کښې لوے بابا احمد شاه بابا چې پۀ ډيلي باندې قبضه وکړه پۀ ډيلي جامعه جومات کښې ئې د بابا خطبه ووئيله پۀ دې حالاتو کښې برطانوي سامراج لۀ بنګال څخه د احمد شاه بابا و شاته راروان شو.

برطانوي سامراج 1600څخه بيا تر 1757 پوري پۀ برصغير کښې 157 کلونو کښې خپل بنيادي مقاصد حاصل کړل. ټول اولسونه ئې پۀ مکمله توګه تقسيم کړل. لۀ خپله ځانه ئې خلقو ته عهدې ورکړلې. ملکان، سرداران، نوابان، پيران، ملايان، خان بهادران، چوهدريان، موريدان بې شماره عهدېدارن ئې جوړکړل. د برصغير ټول قومونو کښې ئې ډلې جوړې کړې. ټولو اولسونو ته ئې د لالچ طمعه ورکړله. د دې سره سره د اولسونو پۀ مابېن کښې نفرت ، بغض، عناد، جګړې، قتل وغارت، مذهبي منافرت د بر صغير د حقيقي ليډرشپ او د دېوبند د بزرګ علما کرامو خلاف ئې فرضي خلق راپورته کړل. سامراج د اولسونو پۀ مابېن کښې ئې نفاق پروپېګنډه مهم ډېر پۀ سپينو سترګو روان کړو. د برصغير ځمکو مکمل نقشې ئې جوړې کړې. پۀ خاصه توګه مذهبي نفرت د اولسونو پۀ مابېن کښې د يووالي خلاف ئې سخت مهم وچلولو. د دې پۀ نتيجه کښې پۀ ټول هند کښې يو شورش جوړ شو. د دې سره سره قدرتي وسائل خام مال ئې خپلو کارخانو ته بې درېغه ور روان کړو چې اصل مال ترې جوړېدل شروع شولو. خپل د سمندر پۀ لاره ئې خپل دولت روان کړو. د دې سره سره پۀ نړۍ کښې د دې سامراج او د سامراج د اتحاديانو معاشي وزن ئې ډېر توانا شولو. سامراج د معاشي طاقت پس خپلو اصلي مقاصدو حاصلولو لپاره پۀ لاهور او پېښور کښې د سکهانو سره مکمل مدد وکړو. پۀ خاصه توګه د احمد شاه بابا جغرافيه ئې لۀ مېنځه وړل شروع کړل. د دې سره سره پۀ ملتان، سندهـ، کشمير سکهانو ډېرې درنې درنې حملې د برطانوي سامراج پۀ مرسته پۀ افغانانو باندې هم وکړې. پۀ دې وخت کښې افغانانو ډېر لوے لوے نقصاناتو سره مخامخ شول.