مذهب د انساني ډي اين اے برخه-مرام ايسپزے(مترجم)

لکه څنګه چې پۀ انساني DNA کښې بيالوجيکل ياداښتونه  خوندي پراتۀ وي، هم دغه شان پۀ بېلا بېلو کلتورونوکښې هم خپله ټولنيزه DNA موجود وي  کومه  چې د مخصوصو ياداښتونو حافظه خوندي لري  ۔ د مشهور فرانسيسي مفکر ”پيري بورديو“  مطابق  ”  ټولنيز او کلتوري  روايات  د يو نسل نه بل نسل ته منتقل کېږي او د خلقو پۀ  غور، فکر او  عمل  کولوکښې جذب  کېږي ۔“ هم دا وجه ده چې نظريات  او فکرونه  د يو نسل  نه دوېم ته اودوېم نه  چې درېم  نسل ته منتقل شي نو د عقيدې  رنګ  اختيار کړي ۔ د خداے تصور هم  د  زرګونو کلونو د ارتقائي  عمل نه  راتېر شوے دے  نو د انساني  او ټولنيز DNA برخه  شوے دے ۔  د ”يو وال نوح هراري“  مطابق ”مذهب او د خداے تصور د انسانانو اجتماعي  تخليق دے “ چې د انسانانو په  ټولنيزه ارتقاء  کښې مرکزي  کردار  ترسره  کوي  ۔ د دې پۀ  ضد په خداے د يقين نۀ  لرلو تصور تر دې دمه  د انساني او ټولنيز ياداښتونو برخه  نۀ  دے، ځکه چې  د دې  د يو نسل نه  بل نسل  ته  د منتقل کېدو امکان  ډېر کم دے ۔ د مذاهبو نه  پس صرف کميونزم  تر څۀ  حده پورې  د يو نسل نه  بل نسل  منتقل شوے ، چې د هغې د وجې نه  کميونسټ  رياستونه  جوړ شوي  چې په سياسي او ټولنيزو اکايانو په کچه  د دې نظريې  خپلول و ۔  پۀ خداے د يقين نۀ لرلو  يا الحاد دپاره دا مشکل ده ۔ د سيکولرزم  او لبرلزم  سره  سره  د الحاد  د مقبوليت  دعوې  مخې ته راغلي، خو د مذهب هومره  کلکه کلتوري  DNA ترې  جوړه  شوې نۀ ده  ۔ او د دې امکان  هم  کم دے چې د نوې  نسل  پرورش  وس  هم  د ښځو  پۀ  زمه دے ۔ ”سيمون دي بووار“  سم  وئيلي دي ” چې  ښځې ټولنيز نظام  پۀ يو داسې دائره کښې رابندې کړې دي ، چې هلته هغوي په بنيادي طور باندې د نسلونو د  اخلاقي او نظرياتي تربيت زمه وارې ګڼلې شي ۔  دا ښځې يوازې  موريانې نه بلکې نياګانې هم کېدې شي ۔ د رحم ،نيک نيتۍ او د  خاکسارۍ قصې کونکې ۔ “ مشهور اطالوي امريکنې مفکر ”سلويا فيدريسې“ تر مخه  ”ښځې تاريخي طور باندې پۀ نظرياتو منتقلولو کښې بنيادي  کردار ادا کوي ۔“ د مذهبي عقائدو جرړې  زياتره  د  ښځو له طرفه  وړو ته  ښودونکو قيصو کښې پټې وي  ۔ هم دا وجه ده چې د فرښتو،ښاپيرو او پيريانو قيصې کولو والا ښځې، پۀ حقيقت کښې د يونسل  نه بل  نسل ته  د خداے د شتون باور منتقل کوي ۔ داسې په خداے د يقين دا مزل  پيړۍ تر پيړۍ راتير شوے او پۀ کلتور کښې جذب شوے،او  د ټولنې کوټلې برخه  جوړ شوے دے ۔ پۀ دې تناظرکښې  کۀ مونږ وګورو  نو د يقين او عدم يقين پۀ مېنځ کښې  د يو نوع  مقابله  هم  په نظر  نۀ راځي ۔