د عوامي نېشنل پارټۍ پښتونخوا ثقافتي سرګرميانې – خادم حسېن

متعلقه مضامين

د کابل د سقوط وروستو د افغانانو سياسي مبارزه – ډاکټر خادم حسېن

افغانستان کښې د سولې پروسه او منطقې مستقبل – خادم حسېن

د تورخم پۀ پوله بندېزونه او مقامي تجارت – ډاکټر خادم حسېن

۱. د ملګري ليکوالانو تنظيم

‎ ا- شاعران او ليکوالان د پارټۍ د یو ذيلي تنظيم پۀ حېثیت قامي تحريک سره د تړلو د پاره مونږ د خپل صوبائي صدر پۀ هدایت پۀ جون کښې د بېلابېلو ضلعو د ملګري ليکوالانو تنظيمونه جوړول شروع کړل. تر اوسه مو د پښتونخوا پېښور ډويژن، جنوبي سيمو او شمالي سيمو کښې پۀ شلو (۲۰) ضلعو کښې د ملګري . ليکوالانو تنظيمونه جوړ کړل (لا تر اوسه پاتې ضلعو کښې کوهستان، چترال، بر دير، باجوړ، مومند، لکي مروت، ټانک، ‌‌‌‌‌‌ډي ائي خان، جنوبي وزيرستان، شمالي وزيرستان، مانسهره، اېبټ اباد او هري پور شامل دي). داسې مو پۀ سوونو ليکوالان د پارټۍ د سېوري لاندې راجمع کړل. دوي د پارټۍ تنظيمونو شرېکې غونډې، مشاعرې او ناستې کوي او د پارټۍ بیانیه پۀ مخکښې بوځي .

ب. د ملګري ليکوالانو د جوړولو منظم عمل د پاره مو یو ارګنایزنګ کمېټي او عبوري ائين جوړ کړو کوم چې مو د کابينې د منظورۍ د پاره ستر سېکتر ته حواله کړے دے او دې رپورټ سره اټېچ دے.

‎د ملګري ليکوالانو صوبائي ارګنایزنګ کمېټي به تر اکتوبر ۲۰۲۰ پورې خپل کار تر سره کړي او بیا به تحليل شي. د ټولو ضلعو د ملګري ليکوالانو د تنظيمونو جوړولو نه وروستو به مونږ هم اکتوبر کښې د ملګري ليکوالانو د صوبائي تنظيم پراسس مکمل کړو او هم اکتوبر کښې به د صوبائي صدر پۀ هدایت د ټولې صوبې د ملګري ليکوالانو صوبائي کنونشن پۀ باچا خان مرکز کښې راوغواړو .

ج. کومه کومه ضلع کښې چې د ملګرو ليکوالانو تنظيمونه جوړېږي، هغلته د پارټۍ د ضلعې د ثقافت سېکترانو، د تحصيل د ثقافت سېکترانو او د یونین کونسلونو د ثقافت سېکترانو او ملګري ليکوالانو شريکې غونډې کوو. دې سره یو غاړې ته د ثقافت سېکتران د خپلو ذمه وارو پۀ لحاظ فعال کېږي او بلې غاړې ته د یونین کونسلونو پۀ سطح د غونډو شېډول جوړېږي .

۲ . د قامي ورځو نمانځل

ا. د اګست پۀ دولسمه مو د صوبائي صدر پۀ هدایت د ټولې صوبې څۀ هر تحصيل کښې د بابړې ورځ ونمانځله. دې کال ددغه ورځې پۀ مناسبت پۀ لکهونو خلک د پارټۍ د تنظيمونو سېوري لاندې راجمع شول. پۀ باچا خان مرکز کښې پۀ خپله صدر صېب ګډون وکړو. د سپين ملنګ د عنوان لاندې چې کوم تهېټر مرکز کښې ولوبولے شو، هغه پۀ سوشل ميډيا تقريبا څلور لکهه خلکو وکتو.

ب. دغسې د اګست پۀ څليرشتمه (24) د صوبائي صدر د هدایت تر مخه د صوبې د ټولو ضلعو تحصيلونو کښې مو د سپين تنګي د سانحې ورځ ونمانځله. دغه غونډو کښې هم پۀ زرګونو خلکو ګډون وکړو. ددې ورځې پۀ مناسبت د بنو ‌‌‌‌‌‌ډومېل تحصيل کښې مرکزي جلسه وشوه چې پکښې د صوبائي کابينې ټولو غړو ګډون وکړو .

۳ . د عوامي نېشنل پارټۍ کلچر کمېټي

د صوبائي صدر پۀ هدایت او منظورۍ مو پۀ 14 ستمبر د صوبائي کلچر د نګرانۍ لاندې د پارټۍ کلچر کمېټي اعلان کړه. کمېټۍ کښې مو د صوبې د ثقافت پوهان او نوموړي شخصیات شامل کړل. دا کمېټي به درې کارونه کوي :

یو دا چې دا کمېټي به د پښتونخوا ثقافتي بیانیه باندې کار کوي چې د پارټۍ منظورۍ نه وروستو بیا دا د پارټۍ ثقافتي بیانیه شي. دوېم دا چې د پارټۍ پۀ ثقافتي پاليسۍ سنجيده کار وکړي او د ثقافتي پاليسۍ یو تفصيلي خاکه تیاره کړي. درېم دا چې د انجمن اصلاح الافاغنه راروان کال د ټولې صوبې هره ضلع کښې د سل کلنيز جشن نمانځلو د پاره تفصيلي پلان تیار کړي. دې سلسله کښې د کلچر کمېټۍ یو اجلاس باچا خان مرکز کښې تر سره شوے .

۴. د انجمن اصلاح الافاغنه د سل کلنيز جشن پلان

۲۰۲۱ کښې به د انجمن اصلاح الافاغنه سل کاله مکمل شي. د پارټۍ کلچر کمېټي به د اکتوبر تر دوېمې هفتې ټوله صوبه کښې د سل کلنيز جشن مکمل پلان تیار کړي. هم اکتوبر کښې چې د صوبايي صدر پۀ مشوره د ملګري ليکوالانو صوبائي کنونشن کوو نو صوبائي صدر به دغه پلان اعلان کړي.

۵ . هنرمندانو سره اجلاس او مرسته

جولائي کښې مو د ټي وي او رېډيو فنکارانو او د ميوزک هنرمندانو سره یو تفصيلي اجلاس وکړو. دې اجلاس کښې د ملګري هنرمندانو د تنظيم جوړولو اصولي فېصله وشوه. د ملګري ليکوالانو تنظيم ودرولو نه وروستو د ملګري هنرمندانو پۀ تنظيم لاس پورې کوو.

دې سره سره مو د صوبائي صدر پۀ هدایت د ټي وي فنکاره ‌‌‌‌‌‌ډاکټر ثروت علي او نوموړي شاعر اکمل ليوني سره د باچا خان ټرسټ لۀ اړخه مالي مرسته وکړه چې پۀ سوشل ميډيا ئې ‌‌‌‌‌‌ډېره ستائنه وشوه.