Pakhtoon | The Magazine Publishing Since 1928
متعلقه مضامين
صرف د پښتنو او پښتونخوا رېکارډ نه درته څۀ وایم!
دلته “جنتي کالے” لس لس زره نه زیات ایډیشنه خرڅ شوے!
دلته “فضایل اعمال” د رېکارډډ شماریاتو مطابق سلو نه زیات ایډیشن خرڅ شوے!
دلته د ” قبرعذابونه” لس ایډیشنه خرڅ شوے!
دلته “احسن الفتاوی” اووۀ جلدونه پنځلس ایډیشنه خرڅ شوے!
دلته د مودودي لټرېچر مفت پۀ شلګونو ایډیشنه خپور شوے! د سکول د لسم امتحان کښې هر اول ګرېډ پۀ لکهونو هلکانو جینکیو ته د حوصله افزائۍ په توګه د کلونو نه ډالۍ کېږي! ما ته هم د لاهور نه دا لټېریچر پۀ دوه زره درېم کښې رارسېدلے ؤ!
د سلفیانو/القاعده لټرېچر مفت خورېږي او ژباړېږي!
اسلام اخبار، امت اخبار، خواتین کا اسلام، بچو کا اسلام او نور ډېر روزانه پۀ زرګونو خرڅېږي!
معروف او opinion making journalists په قلمي نوم پېډ کالمونه لیکي! او چاپېږي! پۀ اردو، پښتو، انګرېزي لره بره پښتونخوا کښې او ډاېسپوره کښې لکه د تودو نينو خرڅیږي!
داسې نور پۀ شلګونو مثالونه درکولے شم!
د اسلامي سیاست پۀ نوم دوه جلده څلور زره پاڼې د سټوډنټانو د وزیر کتاب نیزدو نیزدو پۀ انفارمل طریقه د وفاق المدارس د نصاب برخه ده! د دوي رجسټرډ مدارس کلونه وړاندې پښتونخوا سندهـ، پنجاب او بلوچستان کښې شپاړس زره وو او دې کښې اتیاسلنه واړۀ پښتانۀ دي!
د نهم او لسم جمات لازمي مضمون کښې د سوره انفال، سوره توبه کوم چې سوچه او خالص هغه عسکري احکامات دي چې مخاطَب ئې فرد د سره دے هم نه! د انګرېزي، اردو او تمام ساینسي مضامینو اولنیو بابونو کښې مذهبي بیانیې او تاریخ کښې مفروضات او تعصبات لا بېل! حال دا چې د پېرنګي د راتګ نه وړاندې دې خطه کښې هېڅ منافرت/تعصب/امتیاز نۀ ؤ! مذهبي رواداري، برداشت او تنوع قبلونکي فطري اقدار مروج وو او پۀ مودو مودو وو!
ځکه زۀ دې موقف سره بېخي اتفاق نۀ لرم چې پښتانۀ لوست نۀ کوي، کوي ئې خو دا لوست کنټرولډ دے!
ځکه د لیکوالانو او بیا د پښتنو لیکوالانو نه د فیلډ ورک طمع زۀ مناسب نۀ ګنم!
زما هر کال یو کتاب چاپېږي، تېرو لسو کالو نه! زما د زړۀ وینې پرې وچې شي! زۀ هم دا کار لږ ډېر سم کولے شم!
ایا زۀ دغه پرېږدم او ځان ته لوستوال پېدا کولو ته بډې ونغاړم؟
مونږ پۀ هر محاذ د قحط ښکار یو!
دېوبند پۀ باکستان کښې مذهبي جمهوریت غواړي، افغانستان کښې امارت غواړي او هند کښې سیکولرازم غواړي!
ایران او ترکي د اسلام شوکت پۀ نړۍ د لازم کولو خوبونه ویني!
او دې لپاره د عالمي استعمار وسایل او د ریجنل پالټکس لوبغاړي د متعدد لسیزو نه عملي او فکري کارونه کوي!
قامي ګوندونه څۀ کوي؟ پکار ورته څۀ دي؟
زما پۀ نزد دوي ته د کاونټر ارګومنټ پۀ توګه د یاد کار د تاثر قابو کولو لپاره هم د یادې پالیسۍ اېنټي تهیسز چې پۀ مساوي شدت نۀ وي مستعمل شوے نو د سټوډنتانو وجود نۀ ختمېږي! پۀ بې ۵۲ او دولت امریکا شل کاله کښې ختم نۀ کړے شو!
لر بر وطن کښې محض یو ګوند عوامی نېشنل پارټي د یادې مفکورې پۀ ضد هر مېدان کښې پلېټ فارم لري. صحت/تعلیم/فنانس/نصاب سازۍ او فنون لطیفه لپاره تنظیمي ساختونه لري او کاونټر مفکوره ئې تمامي ځمکني/اسماني عالَم ته قابل قبول ده باقي خېر خېریت دے! هغو سره څومره پښتانۀ ولاړ دي؟
د ټولنیز ژوند لپاره سنت الاهي کښې مروج حرکیاتو نه خبردارے د دغه ګوندونو اوله ذمه واري ده! او د دې لپاره کل وقتي ساینسي اوږدمهاله پالیسي/پروژه/ تګلاره د دوي اولنے هدف او مرام پکار دے. ګني د کرایه دارۍ هېوادونه/ګوندونه/افراد به نور څربېږي، دا عېن د سنت الاهي د حرکیاتو نه نچوړ شوې منلې نتیجه ده.